Թուրքիան վրեժ է լուծում իր զինվորականների մահվան համար՝ հարվածներ հասցնելով Սիրիայի կառավարական ուժերին։ Այս մասին հաղորդում է ՌԻԱ «Նովոստին»՝ հղում անելով Թուրքիայի նախագահի վարչակազմի կապերի գծով վարչության ղեկավար Ֆահրեթին Ալթունին։
Ինչպես հայտնի է, մինչ այդ 22 թուրք զինվորականներ էին զոհվել Իդլիբում՝ Սիրիայի կառավարական ուժերի օդային հարվածից։
«Մեր բանակն օգտագործում է օդուժն ու ցամաքային ուժերը սիրիական բանակի թիրախները գնդակոծելու համար»,- ասել է Ալթունը։
Նա նշել է, որ սիրիական ուժերի հարվածի պատասխանը «բազմակի» է լինելու։
