Արցախում մեկնարկել է նախընտրական քարոզարշավը, առաջադրվել է նախագահի 14 թեկնածու: Նախընտրական քարոզարշավի ընթացքում «Ազատ հայրենիք» կուսակցության նախագահ, ԱՀ նախկին վարչապետ, նախագահի թեկնածու Արայիկ Հարությունյանը անդրադառնալով բանակի վերաբերյալ հարցերին՝ նշեց. «Գիտենք, որ բանակի մարտունակության աստիճանի բարձրացման առումով Արցախը միայնակ որևէ բան չի կարող անել: Ես առիթ ունեցել եմ Հայաստանի բարձրաստիճան պաշտոնյաների, նաև վարչապետի հետ քննարկել բանակի սպառազինության հարցը: Կարող եմ կրկնել ՀՀ իշխանության՝ ի դեմս վարչապետի, հայտարարությունը. « Չի լինելու մի հայտ՝ ուղղված բանակի սպառազինության աստիճանը բարձրացնելու, որ չֆինանսավորվի: 2019թ. համարում եմ շրջադարձային բանակի սպառազինության առումով… Բազմապատկվել է մեր պաշտպանունակության աստիճանը: Բանակի սպառազինության աստիճանի և մարտունակության բարձրացումը լինելու է մեր գլխավոր խնդիրը… Պետք է Հայաստանի բյուջեն դառնա 10 միլիարդ, բանակինը՝ 1,2, և ռկիվ չի լինելու»:
Մանրամասն՝ տեսանյութում: