Գերմանիայում հրապարակվել է այն մթերքների և իրերի ցուցակը, որոնք անհրաժեշտ է ունենալ կորոնավիրուսի համաճարակի տարածման և այդ կապակցությամբ կարանտինի դեպքում: Ցուցակը կազմվել է Քաղաքացիական բնակչության պաշտպանության և աղետների դեպքում օգնության դաշնային գերատեսչությունում՝ տեղեկացնում է RIA Novosti-ն:
10-օրյա կարանտինի դեպքում գերմանացիներին խուրհուրդ է տրված տանն ունենալ հետևյալ պաշարները (մեկ մարդու համար հաշվարկով)՝ 20 լիտր խմելու ջուր, 3,5 կիլոգրամ ձավար, հաց, կարտոֆիլ, մակարոն և բրինձ (ընդամենը), 2,5 կիլոգրամ պահածոյացված բանջարեղեն և ընկուզեղեն, 4 կիլոգրամ չիր և պահածոյացված միրգ, 2,6 կիլոգրամ կաթ և կաթնամթերք, 1,5 կիլոգամ միս, ձուկ, ձու կամ ձվի փոշի, 0,4 կիլոգրամ ճարպեր և ձեթ: Ընդունելի քանակով պատրաստի մթերքներ՝ շաքար, մեղր, ալյուր, արգանակային խորանարդիկներ, չոր թխվածքաբլիթ, շոկոլադ:
Բացի դրանից, տնային պարտադիր հավաքանիում պետք է լինեն դեղորայքի պաշար, մոմեր, գազայրոց, լապտեր, մարտկոցիկներ, ախտահանման միջոցներ:
Գերմանիայում կորոնավիրուսով վարակվածների թիվը մոտեցել է 30-ին: Այդ մասին փետրվարի 27-ին հայտնել են գերմանական զանգվածային լրատվամիջոցները:
dpa գործակալության տվյալներով՝ փետրվարի 25-ից երկրում գրանցվել է 9 նոր հիվանդ, այդ թվում՝ 4 հոգի Հյուսիսային Հռենոս Վեստֆալիայի երկրամասում, չորսը՝ Բադեն Վյուրտեմբերգում և մեկը՝ Ռեյնլանդ Պֆալցում:
