Ինդոնեզիայի Արևմտյան Ճավայի նահանգում հեղեղումը, սողանքներն ու փոթորիկները շուրջ 10 հազար մարդու հարկադրել են լքել տները՝ տեղեկացնում է RIA Novosti-ն։
Ավելի վաղ հաղորդվել էր, որ հորդ անձրևները ջրի տակ են առել Ինդոնեզիայի մայրաքաղաք Ջակարտայի մի մասը, ներառյալ այն շրջանը, որտեղ գտնվում է նախագահական պալատը: Տեղատարափ անձրևները սկսվել են փետրվարի 24-ին: Տարերային աղետների հակազդման ազգային գործակալության ներկայացուցիչ Ագուս Վիբովոյի խոսքով՝ տարերքն ավերել է երեք դպրոց և մեկ մզկիթ: Ջուրը ողողել է ավելի քան 800 հեկտար բրնձի դաշտեր: Նա նշել է, որ իշխանությունները տարհանում են սկսել, իսկ հեղեղումներից տուժել է շրջանի գրեթե 47,7 հազար բնակիչ:
Փետրվարի 26-ին 14-օրյա արտակարգ դրություն է հայտարարվել: Մասնագետները տեղադրել են վրաններ և պահակետեր կարգել հեղեղումից տուժած մարդկանց նյութատեխնիկական ապահովման համար։
Հեղեղման հետևանքով զոհվել է 5 մարդ, ևս երեքն անհայտ կորել են։
