ԱՄՆ նախագահի թեկնածու Բերնի Սանդերսը հայտարարել է, որ եթե նա դառնա նախագահ, թույլ չի տա Ռուսաստանին միջամտել ընտրություններին, հայտնում է ՌԻԱ Նովոստին:
Հարավային Կարոլինա նահանգի Չարլսթոն քաղաքում տեղի ունեցած բանավեճի ընթացքում նա դիմել է Ռուսաստանի Դաշնության նախագահ Վլադիմիր Պուտինին՝ մեղադրելով Ռուսաստանի Դաշնությանը 2016 թվականի ընտրություններին միջամտելու եւ քաղաքցիներին միմյանց դեմ հանելու մեջ: Դրանից հետո նա խոստացել է, որ թույլ չի տա որևէ միջամտություն ընտրական գործընթացին, եթե լինի իր իշխանությունը:
«Պարոն Պուտին, եթե ես Միացյալ Նահանգների նախագահ լինեմ, հավատացեք, դուք այլևս չեք միջամտի», – ասել է Սանդերսը:
Ավելի վաղ ԶԼՄ-ներում տեղեկություններ էին հայտնվել, որ Ռուսաստանը սոցիալական ցանցերում քարոզարշավի և կիբերհարձակումների միջոցով օգնել է ԱՄՆ գործող նախագահ Դոնալդ Թրամփին հաղթել 2016-ի ընտրություններում: Ենթադրվում է, որ Կրեմլը կարող է օգտագործել նույն ռազմավարությունը ՝ կրկին ազդել ԱՄՆ-ի առաջիկա նախագահական ընտրությունների արդյունքների վրա: Թե՛ Թրամփը, և թե՛ Մոսկվան հերքել են միջամտության մասին լուրերը: