Samsung-ը ժամանակավորապես փակել է հարավկորեական Կումի քաղաքում գտնվող իր գործարանը, որն արտադրում էր ծալովի հեռախոսներ: Պատճառը աշխատակիցներից մեկի մոտ կորոնավիրուսի հայտնաբերումն է՝ հայտնում է Reuters-ը:
Գործակալության տվյալներով՝ աշխատակցի մոտ կորոնավիրուսի ախտանիշները հայտնաբերվել են շաբաթ օրը, նա և իր գործընկերները կարանտինացվել են: Samsung-ը արձագանքել է միջադեպին՝ ժամանակավորապես փակելով Կումիի գործարանը: Հաղորդվում է, որ ընկերության սմարթֆոնների մեծ մասը հավաքվում են Վիետնամում և Հնդկաստանում, սակայն Galaxy Z Flip-ի և Galaxy Fold-ի ծալովի կմախքի արտադրությունը կենտրոնացած է Կումիում: