Լուրեր
Չեմ ուզում փակագծեր բացել. աշխատում ենք մեր եվրոպացի գործընկերների հետ ամենայն աչալրջությամբ․ Սոս Ավետիսյան
  • 09:40
  • 2020-02-26
  • Դիտումներ՝ *

«Ուզում եմ հիշեցնել պարոն Աշոտյանին, որ համաձայնագիրը ակնկալվում էր, որ պետք է ստորագրվեր և ինչ-ինչ պատճառներով չի ստորագրվել և չեմ ուզում փակագծեր բացել: Մենք աշխատում ենք մեր եվրոպացի գործընկերների հետ ամենայն աչալրջությամբ, որպեսզի այն տեքստը, որը մենք ունեինք Հայաստան-ԵՄ համաձայնագրի պարագայում, ունենանք նույնական կամ համադրելի տեքստ այս կոնտեքստում», -«Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Սոս Ավետիսյանը՝ անդրադառնալով Արմեն Աշոտյանի գրառմանը, որտեղ նա նշում էր, որ Ադրբեջանի հետ նախապատրաստվող փաստաթղթում արցախյան հիմնախնդրին վերաբերող հատվածները, մեղմ ասած, ոչ միայն նույնական չեն Հայաստան-ԵՄ համաձայնագրի հետ, այլև համադրելի չեն։

Ավետիսյանի նաև նշեց, որ Եվրոմիության տարբեր պաշտոնյաներ բոլոր ժամանակներում հստակ արձանագրել են, որ իրենք ուզում են Ղարաբաղյան հակամարտության խաղաղ հանգուցալուծումը և տեսնում են ԵԱՀԿ համանախագահների ֆորմատը որպես միջնորդական առաքելություն», – «Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Սոս Ավետիսյանը:

  • Դիտումներ՝ *