ԱԺ պետական-իրավական հարցերի մշտական հանձնաժողովը այսօր՝ փետրվարի 25-ին, հրավիրել է խորհրդարանական լսումներ՝ «Հայաստանի Հանրապետության դատական օրենսգիրք» սահմանադրական օրենքում փոփոխություններ և լրացումներ կատարելու մասին»:
«Այս փոփոխություններով կարևորագույն քայլ է կատարվում դատական համակարգի բարեվարքության ապահովման ինստիտուտի ներդրման առումով»,- հայտարարեց ԲԴԽ անդամ Վիգեն Քոչարյանը:
Նա նշեց, որ խոսքը դատական իշխանության անկախության ապահովման մասին է. «Բարեվարքության ստուգումով անցնող դատավորները այլ մակարդակի անկախություն ունեն, որովհետև այս պարագայում այլևս ոչ ոք չի փորձի շահարկել այդ դատավորի կենսագրության հետ կապված ինչ-որ մութ կետեր»:
Վիգեն Քոչարյանը, անդրադառնալով դատավորների տարիքային շեմի իջեցմանը, նկատեց, որ ԲԴԽ անդամների մեծամասնությունը մտավախություն ունի այդ տարիքային շեմի ներդրման հետ կապված:
Անդրադառնալով դատավորների քննությունների բողոքարկման գործընթացին` նա նշեց. «Իրավիճակը բավարար չէ. դատարանը միանձնյա գրավոր քննության թվանշան է փոխում` այն դեպքում, երբ այդ թվանշանը դրել է մասնագիտացված հանձնաժողովը»:
Մանրամասները՝ տեսանյութում: