Լուրեր
Վենետիկի հանձնաժողովը դրական եզրակացության է արժանացրել Դատական օրենսգրքի փաթեթը. նախարար
  • 11:50
  • 2020-02-25
  • Դիտումներ՝ *

ԱԺ պետական-իրավական հարցերի մշտական հանձնաժողովը այսօր՝ փետրվարի 25-ին, հրավիրել է խորհրդարանական լսումներ՝ «Հայաստանի Հանրապետության դատական օրենսգիրք» սահմանադրական օրենքում փոփոխություններ և լրացումներ կատարելու մասին»:

Արդարադատության նախարար Ռուսլան Բադասյանը հայտարարեց, որ Դատական օրենսգրքի փաթեթը  պատրաստվել է ներառական ճանապարհով. «Փաթեթն ուղարկվել է նաև Վենետիկի հանձնաժողով, և ստացվել է դրական կարծիք»:

Անդրադառնալով փոփոխություններին՝ նախարարն ասաց, որ Ընդհանուր ժողովի Էթիկայի և կարգապահական հարցերի հանձնաժողովը բաղկացած է լինելու 8 անդամից. «Հիմնական փոփոխությունը ՀԿ-ներից առաջադրվող 2 իրավաբան-գիտնականի նոր մոդելն է»:

Նրա խոսքով՝ դատավորների թեկնածուների հավակնորդների տարիքը իջեցվում է 25 տարեկանի` նախկին 28 տարեկանի փոխարեն. «Սա որոշակի դաշտ է ստեղծում նոր սերնդի ներկայացուցիչների մուտքը դատական համակարգ ապահովելու համար»:

Անդրադառնալով հակակոռուպցիոն քայլերին՝ նախարարն ասաց, որ հայտարարագիր ներկայացնող անձանց շրջանակը ընդլայնվում է. «Հայտարարագիր ներկայացնում են նաև ընտանիքի անդամ հանդիսացող զավակը, ամուսինը: Ներդրվել է իրավիճակային հայտարարագիր պահանջելու ինստիտուտը: Սահմանվել է կոռուպցիոն հանցագործությունների ցանկը: Կատարելագործվել է դատավորներին կարգապահական պատասխանատվության ենթարկելու ընթացակարգը»:

 

Մանրամասները՝ տեսանյութում:

  • Դիտումներ՝ *