ԱՄՆ նախագահ Դոնալդ Թրամփը և նրա կինը՝ Մելանյա Թրամփը, երկօրյա այցով ժամանել են Հնդկաստան՝ հայտնում է Reuters-ը։
Նշվում է, որ Միացյալ Նահանգների ղեկավարը և առաջին տիկինը կանգ են առել խոշորագույն քաղաքներից մեկում՝ Ահմեդաբադում: Բացի նրանցից, Հնդկաստան է ժամանել նաև ամերիկյան պատվիրակություն: Նախատեսված է, որ Թրամփը և նրա կինը կմասնակցեն հավաքույթներին հսկա քաղաքային մարզադաշտում, ինչպես նաև կանցկացվեն մի շարք պաշտոնական հանդիպումներ:
Օդանավակայանում ամերիկացիներին դիմավորել է Հնդկաստանի վարչապետ Նարենդրա Մոդին: Նա գրկել է Թրամփին և հայտարարել, որ «հյուրը Աստված է»:
Հայտնի է, որ քաղաքում հյուրերի ժամանման պատճառով արգելափակվել են հիմնական ճանապարհները, փակվել են խանութները, իսկ տանիքներին և պատշգամբներում ոստիկանական հսկողություն է սահմանվել: Մարզադաշտում տասնյակ հազարավոր մարդիկ են հավաքվել։
Դպրոցականները, ավտոբուսներով հասնելով մարզադաշտ, բարձրաձայն բղավում են. «Մենք սիրում ենք Թրամփին»: