Չինաստանի սահմաններից դուրս հաստատվել է Covid-19 կորոնավիրուսով վարակման ավելի քան 2204 դեպք, որից 416 դեպքը հայտնաբերվել է վերջին 24 ժամվա ընթացքում: Այս մասին հայտնել է South China Morning Post հոնկոնգյան թերթը:
Թերոի տվյալներով՝ կորոնավիրուսի զոհերի թիվը ավելացել է 26-ով՝ ութ մարդ մահացել է Իրանում, 7-ը՝ Հարավային Կորեայում, 4-ը՝ Ճապոնիայում, 2-ական մարդ Հոնկոնգում և Իտալիայում, մեկական Ֆրանսիայում, Տայվանում և Ֆիլիպիններում:
Ամենից շատ հիվանդներ՝ 838, հայտնաբերվել են Ճապոնիայի տարածքում՝ 838, նրանցից 630-ը Diamond Princess ճամփորդանավի ուղևորներն են ու անձնակազմի անդամները, որը կարանտինի մեջ է գտնվում Յոկոհամայում: Ինչպես հայտնել է Yonhap գործակալությունը, Հարավային Կորեայում հայտնաբերվել է վարակման 161 նոր դեպք, հիվանդների ընդհանուր թիվը հասել Է 763-ի: Իտալիայում գրանցվել է 152 հիվանդ, Սինգապուրում՝ 89, Հոնկոնգում՝ 74, Իրանում՝ 43, Թաիլանդում և ԱՄՆ-ում՝ 35-ական, Տայվանում՝ 28, Ավստրալիայում՝ 23, Մալայզիայում՝ 22, Գերմանիայում եւ Վիետնամում՝ 16-ական, Ֆրանսիայում՝ 12, Արաբական Միացյալ Էմիրություններում՝ 11, Մակաոյում՝ տասը: Կորոնավիրուսով հիվանդանալու տասից պակաս դեպքեր են գրանցվել Մեծ Բրիտանիայում, Կանադայում, Ֆիլիպիններում, Հնդկաստանում, Ռուսաստանում, Իսպանիայում, Բելգիայում, Կամբոջայում, Եգիպտոսում, Ֆինլանդիայում, Նեպալում, Շրի Լանկայում և Շվեդիայում: