Ռուսաստանի ռազմական օդանավերը կանգնեցրել են թուրքական շարասյունը եւ թույլ չեն տվել, որ այն հասնի Իդլիբի Ալ-Բարա բնակավայր: Այս մասին հայտնում է «Ռազմական մեկնաբանը»:
Թուրքական ուժերն իրենց անվտանգությունից ելենելով ստիպված են թողնել այդ շրջանը: Սիրիայի ռազմաօդային հրամանատարությունն ավելի վաղ հայտարարել է, որ իրենց ՀՕՊ համակարգերը կհարվածեն երկրի օդային սահմանը խախտող ցանկացած ինքնաթիռի:
Վլադիմիր Պուտինի մամուլի քարտուղար Դմիտրի Պեսկովն ընդգծել է, որ Թուրքիան մինչ այժմ չի կատարել Սոչիում 2 տարի առաջ Սիրիայի հարցով ձեռքբերված պայմանավորվածությունները: Պեսկովը նշել է, որ հենց Թուրքիան պետք է ապահովի ծանր զենքի դուրս բերումը: Այս հայտարարությունից առաջ Թուրքիայի նախագահ Ռեջեփ Էրդողանն էլ Ռուսաստանին էր մեղադրում Սոչիի պայմանավորվածությունները չկատարելու մեջ:
