Գրետա Թունբերգի մայրը՝ օպերային երգչուհի Մալենա Հերնմանը գրել է մի գիրք, որում նա խոսել է դստեր մանկության մասին: Հայտնում է The Guardian-ը:
Ըստ Հերնմանի, նրա դուստրը ինչ-որ պահի աստիճանաբար սկսեց «անհետանալ՝ նահանջելով դեպի ինչ-որ մթություն». աղջիկը դադարեց դաշնամուր նվագել, ծիծաղել, խոսել և անգամ ուտել:
Ակտիվիստի մայրը նշեց, որ 11 տարեկանում Գրետան «համարյա համր» էր, և համաձայնվում էր ուտել միայն մի բուռ բրինձ, ավոկադո և կանոկ: Բանը գրեթե հասավ աղջկա հոսպիտալացմանը, երբ երկու ամսում նա կորցրեց 10 կիլոգրամ քաշ:
Հերնմանն ասաց նաև, որ երբ Գրետան վերադարձավ դպրոց, նրան սկսեցին հետապնդել։
Ավելի ուշ բժիշկները աուտիզմ ախտորոշեցին:
Բնապահպանական խնդիրների նկատմամբ հետաքրքրությունը, Հերնմանի խոսքով, Գրետայի մոտ առաջացել է Խաղաղ օվկիանոսում պլաստիկի մասին ֆիլմի պատճառով, որը ցուցադրվել է դպրոցում դասերից մեկի ժամանակ:
Արդյունքում, ուրբաթ օրերին էկո-ակտիվիստը, սովորելու փոխարեն, սկսեց գալ խորհրդարանի շենք և իշխանություններից պահանջել ուժեղացնել կլիմայի փոփոխության դեմ պայքարի միջոցառումները:
Նրա նախաձեռնությունը վերածվել է FridaysForFuture ուրբաթօրյա կլիմայական գործադուլների միջազգային շարժման։