Լուրեր
Մինչ հեղափոխությունը սպիտակ աշխատող ընկերություններին պետությունը բռնաբարում էր
  • 10:00
  • 2020-02-24
  • Դիտումներ՝ *

Թավշյա հեղափոխությունից մոտ երկու տարի է անցել, իսկ այդ հեղափոխությունն ամրագրող պառլամենտական ընտրություններից՝ մոտ մեկ տարուց ավելի։ Այս ժամանակահատվածում Հայաստանում գործող տնտեսվարողների բիզնեսների համար որակական ի՞նչ փոփոխություններ են գրանցվել՝ եթե գրանցվել են․ «Առաջին լրատվական»-ի հարցին «Արտ-լանչ» ընկերության համահիմնադիր Բեկուր Մելքոնյանը պատասխանեց․ «Իհարկե գրանցվել են, իմ կարծիքով՝ դեպի դրականը։ Բայց չի կարելի ասել, որ արդեն հասել ենք վերջնական իդեալականի։ Ես կցանկանայի, որ տնտեսական ոլորտին վերաբերող հաղորդումներն ավելի շատ լինեն, որովհետև այսօր գերակշռում են քաղաքական հաղորդումները։ Հեղափոխությունից արդեն երկու տարի է անցել, ու դրա մասին կարելի է արդեն չխոսել, այլ պետք է խոսել այն կոնկրետ քայլերի մասին, որոնք անհրաժեշտ են այսօր երկրում կատարել»։

Իրականում ներկա կառավարությունը տնտեսվարողների հանդեպ իր պարտավորությունները կատարո՞ւմ է, ի՞նչ դրական կամ բացասական միտումներ կարելի է արձանագրել վերջին երկու տարիների ընթացքում․ «Առաջին լրատվական»-ի հարցին «Մենյու Գրուպ» ընկերության գործադիր տնօրեն Վահան Քերոբյանը պատասխանեց․ «Պետք է ասել, որ ունենք հրաշալի տնտեսական աճ՝ 7,6 տոկոս, որը տարածաշրջանում և աշխարհում լավագույններից է։ Միևնույն ժամանակ պետք է նշենք, որ ունենք շատ լուրջ բացթողումներ։ Ամենալուրջ բացթողումն այն է, որ կառավարությունը չկարողացավ բյուջեի ծախսային մասն ամբողջությամբ կատարել, այսինքն՝ թերակատարեց մեծ մասով, որի պատճառով կուտակվեց մեծ քանակի դրամային միջոց, որը դուրս եկավ տնտեսությունից, շրջանառությունից։ Դրա պատճառով այդ տնտեսական աճը միկրոբիզնեսն ամբողջ ծավալով չզգաց։ Հույս ունենք, որ պլանավորած բյուջեի ծախսերն այս տարի կկատարեն, և կարող է լինել նույնիսկ տաս տոկոս տնտեսական աճ։ Այսօր էլ, իմ կարծիքով փոփոխություն զգում ենք ամեն օր ու բոլորս՝ և՛ թոշակառուն, և՛ ուսուցիչը, և՛ բիզնեսմենը»։

 

 

 

Մանրամասները՝ տեսանյութում։

  • Դիտումներ՝ *