«Մեր և վարչապետի թիմի հիմնարար տարբերությունը հենց սուպերվարչապետությունն է: Իրենք հավատում են, որ լավ թագավորը ցանկացած համակարգում պիտի մնա լավը և վատ բան չի անի: Մենք չենք հավատում դրան: Եթե համակարգերը թույլ են տալիս լավ թագավորին դառնալ հրեշ, ես պնդում եմ, որ նա կդառնա հրեշ վաղ, թե ուշ: Դա է ցույց տալիս նաև համաշխարհային փորձը: Բոլոր հեղափոխականները, որոնք եկել են իշխանության և չեն արել պատշաճ քայլեր համակարգի ստեղծելու ուղղությամբ, նրանք դարձեն են փորձանք ու պատուհաս այդ երկրի համար: Այստեղ է մեր ամբողջ առաքելությունը, որ թույլ չտանք, որ վարչապետը շեղվի հեղափոխության հռչակած արժեքներից, իսկ դրանք ժողովրդավարական արժեքներ են»,- «Առաջին լրատվական»-ի հետ զրույցում ասաց ԱԺ ԼՀԿ խմբակցության քարտուղար Գևորգ Գորգիսյանը: