Ցածր գնով ավիափոխադրող Ryanair-ի գործադիր տնօրեն Մայքլ Օ’Լիրին կոչ է արել օդանավակայաններում ավելի մանրակրկիտ ստուգել մահմեդականներին: Նա այս հայտարարությունն արեց «Թայմս»-ի հետ անվտանգության խնդիրները քննարկելիս:
– Ո՞վ է ռումբեր տեղադրում: Հիմնականում մուսուլմանները: 30 տարի առաջ դրանք իռլանդացիներն էին: Ուղղակի զբաղվեք դրանով,– ասաց նա:
Ryanair-ի ղեկավարը նաև նշել է, որ ահաբեկիչները հիմնականում միայնակ ճանապարհորդներն են: «Եթե ճամփորդում ես ընտանիքի և երեխաների հետ, հավանականությունը, որ ինչ-որ բան կպայթեցնես, զրոյական է», – ասաց Օ’Լիրին:
58-ամյա Մայքլ Օ’Լիրին հայտնի է իր հակասական հայտարարություններով: Նա էր, որ առաջարկեց հարկեր գանձել օդանավում զուգարաններ օգտագործող ուղևորների վրա, ինչպես նաև հայտարարեց, որ գեր ուղևորները հավելյալ վճարեն իրենց քաշի համար: Բացի այդ, նա քամահրանքով է վերաբերվում փոխհատուցում պահանջող զբոսաշրջիկներին, և պնդում, որ ուղևորները տուգանք են վճարեն, եթե վայրէջքի անցագիրը մոռացել են տպել: