Շվեդ էկոակտիվիստ Գրետա Թունբերգը աջակցել է Կրասնոյարսկին «սև երկնքի» ռեժիմի դեմ պայքարում: Նա իր թվիթերյան էջում վերահրապարակել է փետրվարի 21-ին ընդդեմ շրջակա միջավայրի աղտոտման պիկետ անցկացրած ռուս ակտիվիստների հաղորդագրությունները:
Հաղորդագրություններից մեկում Ռուսաստանի բնակիչ ազգությամբ հայ Արշակ Մակիչյանը գրում է, որ մարդիկ մահանում են կեղտոտ օդից: Նրա կարծիքով՝ սա պետք է ածուխի օգտագործումը դադարեցնելու առիթ հանդիսանա։
Փետրվարի 21-ին, բացի Ռուսաստանից, կլիմայի վերաբերյալ ցույցեր են տեղի ունեցել Իռլանդիայում, ԱՄՆ-ում, Մեծ Բրիտանիայում, Հնդկաստանում և շատ այլ երկրներում: