Նոր տիպի կորոնավիրուսով վարակվածության մահացու ելքի առաջին դեպքն է գրանցվել Իտալիայում՝ հայտնում է Il Corriere della Sera թերթը:
78-ամյա մի տղամարդ, որը գտնվում էր Վենետոյի շրջանի Պադուա քաղաքի մերձակայքում գտնվող հիվանդանոցում, մահացել է նոր տեսակի կորոնավիրուսից: Նրա 67-ամյա կինը նույնպես հոսպիտալացվել էր բարձր ջերմությամբ:
Տեղական իշխանությունները հրավիրել են ճգնաժամային բաժանմունք, որոշվել է 5-6 օրով փակել հիվանդանոցը:
Նշվում է, որ հիվանդները հնարավորություն կունենան դուրս գալու բուժհաստատությունից միայն հետազոտվելուց հետո: