Ինչպես գրում է The New York Times-ը, ԱՄՆ-ում լայն տարածում է ստացել թմրանյութերի մի տեսակ, որն անվանում են «լոգանքի աղ»: Բժիշկների խոսքերով՝ այդ թմրանյութերի օգտագործումը շատ վտանգավոր է և երկարատև հետևանքների է հանգեցնում: Լուիզիանայի տոքսիկոլոգիական կենտրոնի ղեկավար Մարկ Ռայանն ասել է, որ այդ թմրանյութի վնասը հավասար է կոկաինի, ամֆիտամինի, տարբեր թունավոր հաբերի ազդեցությանը՝ միասին վերցված:
Արտաքնապես այդ թմրանյութն ունի փոշու կամ մանր բյուրեղիկների տեսք, որը հաճախ կարելի է շփոթել լոգանքի աղի հետ: Այն մարդկանց վրա, որոնք գտնվում են այս թմրանյութի ազդեցության տակ, ամենաուժեղ ցավազրկողները հաճախ չեն ազդում: ԱՄՆ առնվազն 28 նահանգ արդեն այն արգելել են: Մասնագետները կարծում են, որ ԱՄՆ-ում և եվրոպական որոշ երկրներում տարածում գտած այս թմրանյութերն այստեղ են ներկրվել Չինաստանից և Հնդկաստանից:
Որպես «Լոգանքի աղ» ներկրվող նյութերն իրենց պարունակությամբ նման են արհեստական մարիխուանային: Նրանք հեշտ են հայտնվում ամերիկյան շուկայում, քանի որ «վտանգավոր է ներքին օգտագործման համար» գրառումը «ալիբի է» հանդիսանում ներկրողների համար:
