Ուհանի իշխանությունները, որտեղ կորոնավիրուսի ամենաընդգրկուն բռնկումն է գրանցվել Չինաստանում, պլանավորում են ևւս 19 ժամանակավոր հիվանդանոց բացել վարակվածների համար: Այդ մասին փետրվարի 21-ին Պեկինում կայացած մամուլի ասուլիսում հայտնել է Ուհանի առաջին փոխքաղաքագլուխ Հու Յաբոն։
«Վարակվածների թվաքանակն օրեցօր նկատելիորեն ավելանում է, և խիստ անհրաժեշտ են հավելյալ հիվանդանոցային մահճակալներ»,-պարզաբանել Է նա:
Պաշտոնական տվյալների համաձայն, Ուհանում արդեն կա 13 ժամանակավոր հիվանդանոց, որոնք պատրաստ են ընդունել 13,3 հազարից ավելի պացիենտների: Մինչև փետրվարի 25-ը հիվանդանոցային մահճակալների թիվը ծրագրվում է հասցնել 30 հազարի: Ուհանում կորոնավիրուսով վարակվածների թիվը դրա տարածման ողջ ժամանակաշրջանում գերազանցել է 45,3 հազարը, նրանցից ավելի քան 6,2 հազարն ապաքինվել են: Մահացության մակարդակը կազմել է 3,71 տոկոս:
ՉԺՀ-ի Առողջապահության պետական կոմիտեի վերջին տվյալների համաձայն՝ երկրում հաստատվել է Covid-19 կորոնավիրուսով վարակման 75 հազար 465 դեպք, 2 236 մարդ մահացել Է: Անցած 24 ժամվա ընթացքում երկրում հիվանդացածների թիվն ավելացել Է 889-ով, մահացածներինը՝ 118-ով: Նրանցից հիվանդության Էպիկենտրոն Հուբեյի նահանգում մահացել Է 115 մարդ: Հիվանդանոցներում բուժումը շարունակում Է 54 հազար 960 մարդ, ավելի քան 11,6 հազարի վիճակը գնահատվում Է՝ ծանր: 18,2 հազարից ավելի մարդ ապաքինվել և դուրս Է գրվել բուժհիմնարկներից:
Ինչպես հայտնել Է South China Morning Post հոնկոնգյան թերթը, փետրվարի 20-ի առավոտվա դրությամբ Չինաստանի մայրցամաքային մասի սահմաններից դուրս Covid-19 կորոնավիրուսով վարակվածների թիվն աշխարհում հասել Է 1251-ի, մեկ օրում հայտնաբերվել է հիվանդության 102 նոր դեպք: Նրա տվյալներով՝ կորոնավիրուսի զոհերի թիվը մայրցամաքային Չինաստանից դուրս ավելացել Է մեկով և կազմել 11: Երեք մարդ մահացել է Ճապոնիայում, մահվան ելքով երկուական դեպք է գրանցվել Հոնկոնգում և Իրանում, մեկական՝ Ֆրանսիայում, Հարավային Կորեայում, Տայվանում և Ֆիլիպիններում: Չինաստանում նոր տիպի կորոնավիրուսի դեմ պատվաստանյութի կլինիկական փորձարկումները կսկսվեն ապրիլի վերջից ոչ շուտ: Այդ մասին փետրվարի 21-ին կայացած մամուլի ասուլիսում հայտնել Է ՉԺՀ-ի գիտության և տեխնոլոգիաների փոխնախարար Սյույ Նանպինը: Իր հերթին ՉԺՀ-ի Գիտությունների ակադեմիայի անդամ Վան Ֆուշենը հայտնել Է, որ Covid-19 նոր կորոնավիրուսի հարուցած թոքաբորբը, որպես կանոն, բարդություններ չի առաջացնում ապաքինումից հետո: Նրա խոսքով՝ հիվանդության կլինիկական ախտանիշներն անհետանում են մեկ շաբաթվա ընթացքում, իսկ հիվանդության թեթև և միջին ձևով հիվանդների բաժինը գերազանցում է 80 տոկոսը: Գիտնականը նշել է, որ ճիշտ ռեժիմի դեպքում. լավ հանգիստ, սնունդ, դեղորայքի ժամանակին ընդունում, մարդու իմունիտետն ունակ է ինքը հաղթելու վարակը:
Չինաստանի իշխանություններն արագացրել են կորոնավիրուսի հարուցած հիվանդությունների դեմ հինգ նոր պատրաստուկների փորձարկումները: Այդ մասին փետրվարի 21-ին հայտնել է «Սինհուա» գործակալությունը՝ վկայակոչելով Չինաստանի դեղամիջոցների հսկողության պետական վարչության փոխղեկավար Չեն Շիֆեյին: Նրա խոսքով՝ տեղի գիտնականներն ընդհանուր առմամբ ավարտել են այդ պատրաստուկների գիտական հետազոտությունը դրանց արդյունավետության ստուգման առումով:
Նշվում Է, որ Չինաստանի իշխանությունները նաև արագացված ռեժիմով դիտարկում են դրանց վաճառքը թույլատրելու հնարավորությունը: Չինաստանի Ուհան քաղաքում նոր կորոնավիրուսով վարակվելուց հետո ապաքինվածների թիվն օրվա ընթացքում առաջին անգամ գերազանցել Է այն վարակվածների թիվը, որոնք ընդունվել են բուժհաստատություններ: Այդ մասին փետրվարի 21-ին հայտնել Է «Սինհուա» գործակալությունը՝ վկայակոչելով ՉԺՀ-ի առողջապահության գործերի պետական կոմիտեի ներկայացուցիչ Մի Ֆենին: Նա նաև նշել Է, որ Չինաստանում առաջին անգամ համաճարակի սկսվելուց ի վեր օրվա ընթացքում գրանցվել Է ապաքինվածների ռեկորդային ցուցանիշ: Այսպես, փետրվարի 20-ին ամբողջ երկրի հիվանդանոցներից դուրս Է գրվել ավելի քան 2 հազար մարդ, հաղորդել Է ՏԱՍՍ-ը:
