Սիրիայում, Հալեպից դեպի հյուսիս, գրոհայիններից վերջերս ազատագրված շրջանում, «Հայաթ Թահրիր աշ Շամ» ահաբեկչական կազմակերպության ստորգետնյա պահեստներ և շտաբներ են հայտնաբերվել։ Այս մասին հաղորդում է ՌԻԱ «Նովոստին»։
Նշվում է, որ բազան իրենից մի ամբողջ ստորգետնյա քաղաք է ներկայացնում։ Այն հայտնաբերվել է Անջար գյուղում։
Նշվում է նաև, որ ստորգետնյա շտաբը մեծ մուտք ունի, որով կարող է բեռնատար անցնել։ Միջանցքներն ըստ ամենայնի փորվել են հատուկ տեխնիկայով, որով կառուցում են մետրոպոլիտենը։
Հաղորդվում է նաև, որ բազայում ինտերնետ կա, ստեղծված են կենցաղային պայմաններ՝ էլեկտրականություն, ջուր, կոյուղի։ Ներսում ճղուղավորումներով ամբողջական փողոցներ են ։ Կան զորանոցներ, լոգարաններ և զուգարաններ։