Բրիսբենում, ռեգբիի ազգային լիգայի (NRL) նախկին խաղացող Ռոուեն Բաքսթերը, նրա կինը և երեք մանկահասակ երեխաները զոհվել են հրդեհված ավտոմեքենայի մեջ, հաղորդում է BBC News-ը: Ըստ որոշ տեղեկությունների, մարզիկի կինը հասցրել է դուրս ցատկել մեքենայից և բղավել է. «Նա ինձ վրա բենզին է լցրել»:
Բաքսթերը 42 տարեկան էր, նրա կինը, Հանեն՝ 31, նրանց երեխաները երեքից վեց տարեկան էին: Մարզիկը և երեխաները տեղում մահացել են, Հանեն մահացել է հիվանդանոցում՝ այրվածքների հետևանքով: Տուժել է նաև պատահական անցորդը, որը փորձել է օգնել նրանց, այրվել է նրա դեմքը:
Ոստիկանությունը տեղի բնակիչների ահազանգով դեպքի վայր է հասել այն ժամանակ, երբ ամբողջ մեքենան արդեն հրդեհվել էր: Մինչ այժմ նրանք միայն հաստատել են, որ ղեկին եղել է Հանա Բաքսթերը, ամուսինը նստած է եղել նրա կողքին: Ականատեսի խոսքով, որը տնից դուրս է վազել պայթյունների ձայնից, այրվող մեքենան տեղում կանգնած է եղել, գրում է Brisbane Times-ը:
Բաքսթերը նախկինում խաղացել է New Zealand Warriors թիմի կազմում: Սպորտը լքելուց հետո նա իր կնոջ հետ մարզասրահ էր բացել Բրիսբենում: The Sydney Morning Herald-ը, վկայակոչելով անանուն աղբյուրներին, հաղորդել է, որ զույգը բաժանվել էր 2019 թ.-ին:
Քվինսլենդի ոստիկանապետ Մարկ Ռայանը տեղի ունեցածի մասին զեկուցել է խորհրդարանում: Ավստրալիայի վարչապետ Սքոթ Մորիսոնը ցավակցություն է հայտնել բոլոր նրանց, ում հուզել է այս ողբերգությունը:
Devastating news out of Camp Hill. My heart goes out to the families and community going through this tragic time and the emergency responders confronting what would be a shattering scene. If you or anyone you know needs support, call Lifeline on 13 11 14. https://t.co/qJDieLMRiN
— Scott Morrison (@ScottMorrisonMP) February 19, 2020
