Չինաստանի Հուբեյ նահանգի վարչակազմն արհեստական ինտելեկտի տեխնոլոգիա է օգտագործում քաղաքացիների առողջական վիճակի մասին հեռավար հարցման համար: Այդ մասին փետրվարի 19-ին հայտնել է «Սինհուա» գործակալությունը՝ վկայակոչելով ծրագրի մշակման հեղինակ China Mobile կապի օպերատորին՝ տեղեկացնում է TASS-ը։
Հեռախոսազրույցի ընթացքում «խելացի ռոբոտը» պարզում է մարդկանց մարմնի ջերմաստիճանը և նրանց գտնվելու վայրը: Նա քաղաքացիների նույնականացման համար օգտագործում է ձայնի ճանաչման գործառույթը՝ հարցվածների ցուցակը կազմելու նպատակով:
«Այս մշակումը կօգնի խնայել սոցիալական ծառայությունների աշխատողների ժամանակը, ինչի շնորհիվ նրանք կկարողանան այլ խնդիրների վրա կենտրոնանալ համաճարակի դեմ պայքարի շրջանակում»,- հայտարարել է China Mobile-ի ներկայացուցիչը:
Ընկերության տվյալների համձայն՝ արդեն հեռավար հարցում է անցել գրեթե հարյուր հազար մարդ Ուհանից, ինչպես նաև Իչան և Խուանշի քաղաքային շրջաններից։
