Սիրիայի նախագահ Բաշար Ասադը հայտարարել է, որ սիրիական բանակը կշարունակի գրոհայիններից ազատագրել Հալեպը եւ Իդլիբը, չնայած հյուսիսի ճնշմանը: Այս մասին հաղորդում է ՏԱՍՍ-ը:
Ըստ Սիրիայի առաջնորդի, չնայած նրան, որ ծայրամասերի ազատագրումը դեռ չի նշանակում պատերազմի լիակատար ավարտ կամ ահաբեկչության լիակատար վերացում, այն կլինի ահաբեկիչների պարտության սկիզբը, որն անպայման կլինի:
«Հալեպը եւ նրա հետ միասին ամբողջ Սիրիան հաղթել են վախը, որը ցանկանում էին տարածել մեր սրտերում, հաղթել են ատելությանը, դավաճանությանը եւ պառակտումներին: Բայց Սիրիայի թշնամիները չեն հանձնվում եւ նրանց սադրանքները չեն ավարտվել, այդ պատճառով սիրիացիները պետք է պատրաստ լինեն նոր ճակատամարտերի»,- հայտարարել է Սիրիայի առաջնորդը:
Դրանից բացի առաջնորդը հարգանքի տուրք է մատուցել Հալեպի բնակիչների հերոսությանը, ովքեր չեն հանձնվել սննդի, ջրի և էլեկտրաէներգիայի պակասի խիստ պայմաններում: Ասադը նրանց հորդորել է օգտագործել իրենց «կայունությունն ու անսասան կամքը»՝ քաղաքը վերակենդանացնելու և Սիրիայի տնտեսության մեջ իր առաջատար դերը վերականգնելու համար:
