Լուրեր
Ոստիկանության պրակտիկան հակասահմանադրական է. Արման Թաթոյան
  • 12:38
  • 2020-02-18
  • Դիտումներ՝ *

Սահմանադրական դատարանում շարունակվում է ՄԻՊ-ի և ՀՀ վարչական դատարանի դիմումների հիման վրա՝ «Ոստիկանությունում ծառայության մասին» ՀՀ օրենքի 43-րդ հոդվածի 9-րդ մասի 2-րդ պարբերության, «ՀՀ ոստիկանության կարգապահական կանոնագիրքը հաստատելու մասին» ՀՀ օրենքի 16.1-ին հոդվածի 1-ին մասի՝ Սահմանադրությանը համապատասխանության հարցը որոշելու վերաբերյալ նիստը՝ բանավոր ընթացակարգով։ Նիստին բացակայում է դատավոր Վահե Գրիգորյանը։

Դիմումատուն՝ ՄԻՊ Արման Թաթոյանը հայտարարեց, որ լիազորությունների կասեցման պատճառով ոստիկանության ծառայողը զրկված է լինում թե՛ աշխատավարձից, թե՛ այլ պաշտոնի նշանակվելու, թե՛ սեփական նախաձեռնությամբ աշխատանքից ազատվելու հնարավորությունից, բացի այդ՝ չի կարողանում համատեղությամբ կատարել այլ աշխատանք՝ բացի գիտամանկավարժական գործունեություն իրականացնելուց։ Արդյունքում՝ զրկվում է ապրուստի միջոց հայթայթելու իրավունքից։

Նրա խոսքով՝ Սահմանադրությամբ ամրագրված է, որ յուրաքանչյուր ոք ունի աշխատանքի ազատ ընտրության իրավունք և աշխատանքից անհիմն ազատման դեպքում՝ պաշտպանության իրավունք։

Հարցի վերաբերյալ ոստիկանության ներկայացրած պարզաբանումները, ըստ ՄԻՊ-ի, վկայում են ոստիկանության համակարգում առկա հակասահմանադրական պրակտիկայի մասին։

  • Դիտումներ՝ *