Չինաստանից դուրս Covid-19 կորոնավիրուսով վարակվածների թիվը հասել է 995-ի, որից 5-ը մահացել են: Այդ մասին հայտնել է South China Morning Post հոնկոնգյան թերթը:
Այս թվի մեջ ներառված չեն կորոնավիրուսով վարակման այն 14 նոր դեպքերը, որոնք հայտնաբերվել են Diamond Princess նավից տարհանված ԱՄՆ-ի քաղաքացիների մոտ: Այսպիսով, հիվանդացածների ընդհանուր թիվը հասել է 1009-ի: Ամենից շատ հիվանդներ են հայտնաբերվել Ճապոնիայում՝ 619 դեպք, դրանցից 454-ը բաժին են ընկնում Diamond Princess-ի ուղևորներին ու անձնակազմին, որը կարանտինի մեջ է գտնվում Իոկոհամայում: Թերթի հաշվարկների համաձայն, Ճապոնիային հաջորդում են Սինգապուրը (77 դեպք), Հոնկոնգը (60), Թաիլանդը (35), Հարավային Կորեան (30), Տայվանը և Մալայզիան (22-ական), Վիետնամը և Գերմանիան (16-ական), Ավստրալիան և ԱՄՆ-ը (15-ական), Ֆրանսիան (12), Մակաոն (10), Արաբական Միացյալ Էմիրությունները եւ Մեծ Բրիտանիան (9-ական), Կանադան (8), Ֆիլիպինները, Հնդկաստանը, Իտալիան (3), Ռուսաստանը և Իսպանիան (2), Բելգիան, Կամբոջան, Ֆինլանդիան, Եգիպտոսը, Նեպալը, Շրի Լանկան և Շվեդիան (1):
:
