Չինաստանում Covid-19 կորոնավիրուսի հարուցած թոքաբորբով հիվանդացածների թիվը կազմել է 72 հազար 436, մահացել է 1 868 մարդ, հաղորդել է Չինաստանի Առողջապահության պետական կոմիտեն:
Նախորդ օրը երկրում վարակվածների թիվն ավելացել է 1886-ով, մահացու դեպքերինը՝ 98-ով: Հիվանդության Էպիկենտրոն համարվող Հուբեյի նահանգում մահացել է 93 մարդ, Հենանի նահանգում՝ երեք մարդ, մեկական մարդ Հունանի նահանգում և Պեկինում: Երկրի հիվանդանոցներում ներկայում բուժընթաց է անցնում 58 հազար 16 մարդ, ավելի քան 11,7 հազար հիվանդների վիճակը գնահատվում է՝ ծանր: Միևնույն ժամանակ, ավելի քան 1,7 հազար մարդ ապաքինվել է և դուրս գրվել բուժհիմնարկներից: Նախօրյակին Չինաստանում արձանագրվել էր վարակման 2048 դեպք և 105 մահ Covid-19-ից:
