ԱՄՆ նախագահ Դոնալդ Թրամփը պահանջել է սպանել «Ալ-Քաիդայի» հիմնադրի որդուն՝ Համզա բեն Լադենին։ Այս մասին աղբյուրը հաղորդել է NBC հեռուստաալիքին։
Ընդ որում, գոյություն ունեն ահաբեկչական ավելի լուրջ սպառնալիքներ։ Նախագահի որոշումը բացատրել են նրանով, որ Թրամփն այդպիսով ցանկանում է ոչնչացնել զինյալների առաջնորդներից մեկին, ինչպես նաև վերացնել հոր հետ բեն Լադենի «խորհրդանշական կապը»։
Աղբյուրի խոսքերով, նման հայտարարությամբ Դոնալդ Թրամփը հանդես էր եկել իր նախագահության առաջին տարիներին, չնայած ԿՀՎ-ի ներկայացրած պոտենցիալ վտանգավոր ահաբեկիչների ցուցակին։ Նրա կարծիքով, Թրամփի դիրքորոշումը բացատրվում էր նրանով, որ նա «երբեք չէր լսել» ցուցակում տեղ գտած անձանց մասին։
Սպիտակ տան առաջնորդի հիմնական ահաբեկչական թիրախներից մեկն էլ 2019 թվականի հոկտեմբերին ԱՄՆ հատուկ օպերացիայի արդյունքում սպանված՝ «Իսլամական պետություն» ահաբեկչական կազմակերպության առաջնորդ Աբու Բաքր ալ- Բաղդադին էր։
