Չեխիայի վարչապետ Անդրեյ Բաբիշը չի հավանում ՄԱԿ-ում իր երկրի երկրորդ անգլիական անվանումը՝ Czechia, Չեչնիայի հետ նմանության պատճառով: Այս մասին հաղորդում է The Wall Street Journalը:
«Այդ դեպքում Չեխիան կարող են շփոթել Չեչնիայի հետ, ես չգիտեմ: Դա ինձ դուր չի գալիս: Մենք Չեխական Հանրապետություն ենք: Մենք չեխեր ենք: Ես չգիտեմ՝ ում գլխում է այդպիսի հիմար գաղափար հղացել: Խելացնորություն է»,- իր կարծիքն է հայտնել Բաբիշը:
Նշվում է, որ Czechia անվան հիմնական կողմնակիցը երկրի նախագահ Միլոշ Զեմանն է:
2016 թվականին Չեխական Հանրապետության իշխանությունները հաստատել են երկրի ևս մեկ պաշտոնական անվանում՝ Չեխիա (անգլերեն՝ Czechia): Այն հավանության են արժանացրել Զեմանը, երկու պալատների այն ժամանակվա խոսնակ Բոգուսլավ Սոբոտկան, արտաքին գործերի և պաշտպանության նախարարները:
