Ուկրաինայի, Վրաստանի և Մոլդովայի արտգործնախարարները համատեղ ուղերձ են հղել Եվրահանձնաժողովին՝ «Արևելյան գործընկերությանը» հաջորդող 2021-2027թթ. ԵՄ «Բազմամյա ֆինանսական հեռանկարների» շրջանակներում տարածաշրջանին աջակցելու կարևորության մասին, որի ձևավորումը այժմ ընթանում է ԵՄ ինստիտուտներում: Այս մասին հաղորդվում է Ուկրաինայի ԱԳՆ կայքում:
«Երեք ասոցացված գործընկերների արտաքին քաղաքական գերատեսչությունները ԵՄ-ին կոչ են արել ռազմավարական բյուջետային պլանավորման շրջանակներում հետագա 7 տարիների համար հաշվի առնել մասշտաբները և հավակնող բարեփոխումները, որոնք ծրագրել և իրականացնում են Ուկրաինան, Վրաստանը և Մոլդովան եվրոպական ինտեգրացիայի գործընթացում»,- ասվում է հաղորդագրության մեջ:
Այս համատեքստում նախարարները նշել են «Բազմամյա ֆինանսական հեռանկարների» նախատեսման կարևորությունը «Արևելյան գործընկերության» մասնակից պետությունների կարիքների համար ռեսուրսներն ավելացնելու ուղղությամբ, որը կպատասխանի նրանց եվրոպական պարտավորություններին և ԵՄ-ի հետ հարաբերություններում առաջնահերթություններին՝ հստակեցրել են մամուլի ծառայությունում:
«Նախարարների համատեղ ուղերձը հերթական վկայությունն է «Արևելյան գործընկերության» հետագա զարգացման հարցին Ուկրաինայի, Վրաստանի և Մոլդովայի միասնական մոտեցման՝ հիմնված տարբերակման սկզբունքի և «ԵՄ+երեք ասոցացված գործընկերներ» ձևաչափով երկխոսության խորացման գաղափարի վրա»,- հավելել են ԱԳՆ-ում: