Բոլիվիայի՝ փախուստի մեջ գտնվող նախկին նախագահ Էվո Մորալեսը Ռուսաստանի նախագահ Վլադիմիր Պուտինին խորհուրդներ է տվել ինչպես պաշտպանվել հեղաշրջումից: Նրա հետ հարցազրույցը հրապարակվել է RTVI YouTube հեռուստաալիքում:
Նշվում է, որ Մորալեսը այժմ բնակվում է Արգենտինայում: «Պետք է հատուկ գաղափարախոսություն զինվորականների և ոստիկանության համար: Ոչ միայն Ռուսաստանում, այլև ցանկացած այլ պետոթյան մեջ»:
Օրինակ՝ Չավեսը ուներ զինված քաղաքացիական ստորաբաժանումներ և ոչ միայն զինվորականներ, որոնք կարող էին դավաճանել»,- ասել է Բոլիվիայի նախկին առաջնորդը՝ խոսելով Պուտինին ուղղված խորհուրդներից, որպեսզի նա չհայտնվի նման իրավիճակում: Մորալեսի խոսքով՝ նման ստորաբաժանումները կկարողանան կանխել ցանկացած հեղաշրջում:
Նա նաև ասել է, որ ինքը Պուտինի հետ չի խոսել իշխանությունից զրկվելուց հետո, սակայն Բոլիվիայում Ռուսաստանի դեսպանատունը իրեն մի քանի SMS է ուղարկել:
Էվո Մորալեսը հրաժարականի մասին հայտարարել է 2019 թվականի նոյեմբերի 10-ին շարունակվող բողոքի ցույցերի արդյունքում, որից հետո նա երկրի ղեկավարության այլ ներկայացուցիչների հետ միասին ապաստան է գտել Մեքսիկայում: Միևնույն ժամանակ, նա եղելությունը անվանել է հեղաշրջում և հայտարարել, որ պատրաստ է վերադառնալ երկիր: