Չինաստանի Հուբեյի նահանգում նոր կորոնավիրուսի բռնկման հետևանքով վարակվածների թիվը գերազանցել Է 48,2 հազարը, նրանցից մահացել են 1310-ը, առողջացել 3441 մարդ: Այս մասին հայտնել է տարածաշրջանի Հիգիենայի և առողջապահության հարցերի կոմիտեն:
Գերատեսչության տվյալներով՝ մահացության պաշտոնական մակարդակը կազմել Է 2,7 տոկոս՝ մեկ օր առաջվա 3,2 տոկոսի փոխարեն:
Նախորդ օրը տարածաշրջանային իշխանությունները տեղեկացրել էին ավելի քան 33,3 հազար հիվանդացածների, 1068 զոհերի և 2639 ապաքինվածների մասին: Ինչպես նշված է նախարարության տարածած հայտարարության մեջ, Հուբեյի վարչական կենտրոն Ուհան քաղաքում, որը համարվում է հիվանդության տարածման գլխավոր աղբյուրը, ախտահարվածների թիվը գերազանցել է 32,9 հազարը:
