Թուրքիայի նախագահ Ռեջեփ Թայիփ Էրդողանը սպառնացել է ոչնչացնել Իդլիբի երկնքի բոլոր ինքնաթիռները, եթե դրանք սպառնալիք լինեն տարածաշրջանում թուրքական ուժերի համար: Այս մասին գրում է Daily Sabah-ը:
Ըստ նրա՝ Անկարան չի հապաղի հարվածել այն թիրախներին, որոնք ուղղակի սպառնալիք են ներկայացնում այդ տարածքում գտնվող զինված ուժերի համար: «Ինքնաթիռները, որոնք ռմբակոծել են Իդլիբում խաղաղ բնակիչներին, այլևս այդքան ազատ չեն թռչի», – հավաստիացրել է Էրդողանը:
Նա հավելել է, որ Իդլիբի վերաբերյալ Սոչիի համաձայնագիրը, որը ձեռք է բերվել Ռուսաստանի նախագահ Վլադիմիր Պուտինի հետ, այլևս ուժի մեջ չէ, քանի որ Սիրիայի նախագահ Բաշար Ասադը և այլք կոպտորեն խախտել են այն:
