Թուրքիայի նախագահ Ռեջեփ Թայիփ Էրդողանը Ռուսաստանին եւ Սիրիային է մեղադրել Իդլիբում խաղաղ բնակիչների մահվան մեջ: Այս մասին հայտնում է Anadolu գործակալությունը:
Daily Sabah-ը փոխանցում է, որ Թուրքիայի նախագահն ընդգծել է, որ հարձակումների մեծամասնությունը, որոնք Իդլիբում իրականացվել են Սիրիայի նախագահ Բաշար Ասադի եւ Ռուսաստանի կողմից, ուղղված են խաղաղ բնակչության եւ ոչ թե ահաբեկիչների դեմ: «Թուրքիան վճռականորեն է տրամադրված Ասադի զորքերը լարվածության գոտուց դուրս բերելուն: Մենք մտադիր չենք կուրորեն հետեւել սադրանքներին», – ասել է Թուրքիայի ղեկավարը:
Հունվարին Իդլիբում մարտերը սիրիական զորքերի և զինյալների միջև բախումներն ակտիվացել են, չնայած Ռուսաստանի և Թուրքիայի նախաձեռնած հրադադարին: Համաձայն վերջին տվյալների ՝ սիրիական բանակին հաջողվել է առաջ ընթանալ նահանգի խորքում և գրավել մի քանի առանցքային բնակավայրեր, մասնավորապես՝ Սարակիբ քաղաքը, որտեղ գտնվում են թուրքական դիտորդական չորս կետեր:
Թուրքիայի նախագահ Ռեջեփ Թայիփ Էրդողանը նախազգուշացրել է Դամասկոսին, որ եթե մինչև փետրվարի վերջ զորքերը չհեռացվեն թուրքական դիրքերից, Անկարան գործողություններ կձեռնարկի:
