Հայ իրավապաշտպան Արլեթ Նաթալի Ավազյանը Twitter-ի իր միկրոբլոգում հայտնել է, որ բերման է ենթարկվել: «Մայրս Ադանայից է, հայրս` Մալաթիայից: Իմ նկատմամբ հետաքննություն է սկսվել, երբ ես բարձրաձայնել եմ սրա մասին», – պարզաբանել է Թուրքիայում իշխանությունների քննադատությամբ հայտնի իրավապաշտպանը:
Նա նաև նշել է, որ վերջին երկու օրը ճնշման խնդիր ունի, և եթե առողջական լուրջ խնդիրներ ծագեն, ապա դրա պատասխանատուն կլինի Թուրքիայի ներկայիս կառավարությունը:
Հիշեցնենք, որ սա Ավազյանի բերման ենթարկելու առաջին դեպքը չի: 2019-ի հոկտեմբերին Ավազյանը կալանավորվել էր «ահաբեկիչների» հետ իր ենթադրյալ կապի պատճառով:
