Վրաստանի նախկին նախագահ Գեորգի Մարգվելաշվիլին հայտարարել է քաղաքականություն վերադառնալու պատրաստակամության մասին՝ Թբիլիսիի նախկին քաղաքագլուխ Գիգի Ուգուլավայի նկատմամբ մեղադրական դատավճռի կայացման ֆոնին:
«Ես չեմ կարող անհաղորդ մնալ, երբ մեր երկրի քաղաքական կուրսն ու ապագան անորոշ են», – ասել է Մարգվելաշվիլին PalitraNews հեռուստաալիքին տված հարցազրույցում:
Մարգվելաշվիլիի խոսքով, որը երկիրը ղեկավարել Է 2013-2018 թվականներին, իր քաղաքական գործունեությունն ուղղված չի լինելու ընդդիմության միավորման դեմ, այլ, ընդհակառակը, նպաստելու է իշխանության ընդդիմախոսների միասնության պահպանմանը:
Վրաստանի իրավապահ մարմինները փետրվարի 10-ին կալանավորել են Թբիլիսիի նախկին քաղաքապետ Գիգի Ուգուլավային այն բանից հետո, երբ երկրի Գերագույն դատարանը նրան մեղավոր է ճանաչել ավելի քան17 միլիոն դոլարի վատնման գործով: Իշխանության ընդդիմախոսները դատավճիռը համարում են քաղաքական հետապնդում և հայտարարել են ընտրական բարեփոխման շուրջ իշխանության հետ բանակցությունները դադարեցնելու մասին: Ընդդիմադիր ուժերը պատրաստվում են ապրիլի 4-ին հաջակցություն Ուգուլավայի լայնածավալ հանրահավաք անցկացնել:
