Diamond Princess զբոսանավում կորոնավիրուսով վարակվել է ևս 39 մարդ: Այս մասին հայտնել է Ճապոնիայի Առողջապահության նախարարությունը: Այսպիսով, վարակվածների ընդհանուր թիվը հասել է 174-ի:
Նախարարությունում նշել են, որ նոր վարակվածներին տեղափոխում են բուժհաստատություններ: Ճապոնիայի առողջապահության նախարարի խոսքով, կորոնովիրուս է հայտնաբերվել նաև կարանտինային աշխատակիցներից մեկի մոտ:
Հիշեցնենք, որ հունվարի 20-ին Diamond Princess-ը նավարկության է դուրս եկել ճապոնական Յոկոհամա քաղաքից՝ Կագոսիմա-Հոնկոնգ-Օկինավա երթուղով: Ուղևորության ընթացքում Հոնկոնգի 80-ամյա բնակչի մոտ ախտորոշվել է թոքաբորբ, որը հարուցվել է նոր տիպի կորոնավիրուսով:
Ավելի ուշ կորոնովիրուս է հայտնաբերվել ևս մի քանի ուղևորների մոտ: Նավում, ընդհանուր առմամբ, կա 3,7 հազար ուղևոր:
