Բոլորին է հայտնի, որ հղի կանայք երբեմն փոխում են իրենց նախասիրությունները սննդի նկատմամբ և անսովոր բաներ են սկսում ուտել: Սակայն Բիրմինգհեմի բնակչուհի, 26-ամյա Էմմա Վենեսի դեպքը զարմացրել է նույնիսկ ամեն ինչի հանդիպած բժիշկներին: Կինը մշտապես հակում է ունենում կահույքի մաքրման նյութերի նկատմամբ: Բժիշկները նրա մոտ ախտորոշել են սնվելու հավզագյուտ խանգարում, որը կոչվում է Pica: Այս մասին հաղորդում է The Daily Mail-ը:
Կինն ուտում է փայլեցնող նյութը՝ չնայած երեխային սպառնացող վտանգին: Հիմա նա օրը 2-3 անգամ ուտում է այդ նյութից: Բժիշկները պատմել են, որ անսովոր սննդի նկատմամբ նրա նախասիրություններն առաջացել են դեռ մանկության տարիներին: Այն ժամանակ նա ուտում էր լոգարանի փրփուրը: Հետագայում նա սեր է ունեցել նաև այլ կենցաղային նյութերի նկատմամբ:
Էմման չի կարողացել բացատրել, թե ինչու է իրեն դուր գալիս նման «սննդակարգը»: Ընդ որում, այս կինը չի ծխում, հազվադեպ է ալկոհոլ օգտագործում և, ընդհանրապես, ձգտում է առողջ կենսակերպ վարել: Սակայն գիշերները և էմոցիոնալ լարված իրավիճակներում նա փայլեցնող նյութերի պահանջ է ունենում: