Ադրբեջանական Salam News գործակալության փոխանցմամբ՝ հունական լրատվամիջոցներում լայն տեղ է հատկացված Թուրքիայի վարչապետ Ռեջեփ Թայյիփ Էրդողանի՝ այսպես կոչված Հյուսիսային Կիպրոսի թուրքական հանրապետություն (ՀԿԹՀ) կատարելիք այցին։ Այդ այցը տեղի է ունենալու հուլիսի 20-ին և նվիրված է լինելու Կիպրական խաղաղության շարժման տարեդարձին։
Հիշեցնենք, որ օրեր առաջ ՀԿԹՀ էր այցելել Թուրքիայի արտգործնախարար Ահմեդ Դավութօղլուն, ով այնտեղ հայտարարել էր, թե Կիպրոսի միավորման վերաբերյալ հանրաքվեն կանցկացվի 2012 թվականի սկզբին.
«Մենք հուսով ենք կիպրական խնդրի լուծումը գտնել մինչև տարեվերջ և հանրաքվե անցկացնել հաջորդ տարվա առաջին ամիսներին, որպեսզի Կիպրոսը կարողանա որպես միացյալ պետություն ստանձնել ԵՄ-ի նախագահությունը։ Միացյալ Կիպրոսը կարող է ավելի լավ ներկայացնել կղզու շահերը, քան նրա երկու առանձին հատվածները՝ հունական ու թուրքական»։