ԱՄՆ նախագահ Դոնալդ Թրամփը հայտարարել է, որ Վաշինգտոնը Ռուսաստանին ճնշելու համար գերարագ հրթիռներ ունի։ Համապատասխան տեսանյութը հրապարակվել է YouTube-ում։
Հանդես գալով ամերիկյան նահանգապետների առջև, Թրամփը հաղորդել է որ Պենտագոնը դրանցից մեծ քանակությամբ ունի։
«Մենք դրանք գերարարգ ենք կոչում։ Դրանք հինգ, վեց և նույնիսկ յոթ անգամ ավելի արագ են, քան սովորական հրթիռները»,-ասել է ամերիկյան առաջնորդը։
Նրա խոսքերով, Միացյալ Նահանգներին «գերարագ հրթիռներն» անհրաժեշտ են, քանի որ Մոսկվան նման սպառազինություն ունի։
Ինչպես պնդում է Թրամփը, ռուսական կողմը կարող էր համապատասխան տեխնոլոգիաների մասին տեղեկատվություն ստանալ երկրի նախկին ղեկավարությունից։
«Կարող եմ պատմել ձեզ, թե ինչպես են նրանք դա ստացել։ Նրանք դրանք ստացել են, հնարավոր է, Օբամայի վարչակազմի ծրագրերից»,- հաղորդել է նախագահը։
Թրամփը հավելել է, որ այդ ժամանակ Վաշինգտոնը դեռ չէր զբաղվում նման հրթիռների ստեղծմամբ։ Նրա կարծիքով, դա շատ վատ է։