«Սիարա» փոթորիկի ժամանակ ինքնաթիռի վայրէջք կատարելու հինգերորդ փորձի ժամանակ ուղևորների սարսափը հայտնվել է տեսանյութում: Ականատեսների նկարահանած կադրերը տեղադրվել են Twitter-ում:
Air Europa ավիաընկերության ինքնաթիռը, որի սրահում 300 ուղևոր կար, իրականացնում էր Մադրիդ-Ամստերդամ չվերթը: Տեղ հասնելով անձնակազմի հրամանատարը մի քանի անգամ չի կարողացել վայրէջք կատարել «Սհիփհոլ» օդանավակայանում՝ ուժեղ փոթորկի պատճառով:
Հրապարակված տեսանյութում երևում է ուժեղ ցնցումը ինքնաթիռի չլուսավորված սրահում, լսվում են նաև վախեցած կնոջ ճիչերն ու լացը:
Ըստ Daily Mail-ի, Ամստերդամում վայրէջքի անհաջող փորձերից հետո օդաչուն որոշել է վերադառնալ Մադրիդ:
Փետրվարի 9-ին Մեծ Բրիտանիային հարվածել է վերջին յոթ տարվա ընթացքում ամենաուժեղ «Սիարա» փոթորիկը:
Այն կաթվածահար է արել Լոնդոնի որոշ օդանավակայանների աշխատանքը և խափանումներ առաջացրել երկաթուղում: Ըստ Ազգային օդերևութաբանական ծառայության տվյալների, քամու արագությունը հասել է մինչև 150 կմ/ժ-ի: