ՀՀ նախագահ Արմեն Սարգսյանի հրամանագրով սահմանադրական հանրաքվեն կանցկացվի ապրիլի 5-ին: Հանրաքվեով ՀՀ քաղաքացուն հնարավորություն է տրվում Սահմանադրական դատարանի շուրջ ստեղծված ճգնաժամը հանգուցալուծել՝ ՍԴ անդամների պաշտոնավարումը կասեցնելով:
Թեմայի շուրջ «Առաջին լրատվական»-ի հետ քննարկմանը մասնակցեցին գերագույն խորհրդի նախկին պատգամավոր Ազատ Արշակյանը, վերլուծաբան Հակոբ Բադալյանը և «Քաղաքացու որոշում» կուսակցության գործադիր մարմնի անդամ Հայկ Սահակյանը:
«Աահմանադրությունը ՀՀ քաղաքացիների համար է, մեր երկիրը Սահմանադրության և Սահմանադրական դատարանի համար չէ: Կարևորը քաղաքացիների կարծիքն է: Քաղաքացիներն իրենց կարծիքը հայտնել են ԱԺ ընտրությունների ժամանակ: ժողովուրդը եթե հեղափոխական մանդատը տվել է իշխանությանը, նշանակում է, որ հեղափոխությունը օրինական է, իրվաչափ է… ՍԴ խարույկի շուրջ հավաքվել են 9 քրմեր և ասում են՝ ոչինչ, որ սահմանադրական կարգը տապալվել է»,- նշեց Ազատ Արշակյանը՝ ընդգծելով, որ հեղափոխությունից հետո սահմանադիր ժողովը պետք էր ցրել, ՍԴ դատավորներն ու անդամները պետք է հեռանային:
Հակոբ Բադալյանը նշեց, որ ՀՀ ում Սահմանադրությունն ընդունվել է անօրինականության ուղեկցությամբ և ընտրակեղծիքով. «Եղել է թուղթ, որով, ինչպես Ս. Սարգսյանն էր ասում, ամեն ինչ կարգին էր, բայց իրականությունը բացարձակապես կապ չուներ այդ թղթի հետ… Հայաստանում կար սահմանադրական կարգ հաստատելու խնդիր»: Վերլուծաբանի կարծիքով՝ իշխանությունը հեղափոխությունից հետո միանգամայն ուժեղ էր խնդիրը լուծելու համար… «Սահմանադրական հանրաքվեն կարող է երկրորդ շնչառություն տալ հեղափոխությանը»,- ընդգծեց Հ. Բադալյանը հավելելով, որ հանրաքվեն կարևոր ստուգարք է նաև արտաքին զարգացումների համատեքստում»:
Հայկ Սահակյանի խոսքով՝ ՍԴ ճգնաժամը խորացել է իշխանության ապիկարության պատճառով. «Հիանալի է, որ վերջապես հասկացան, որ խնդիրը պետք է լուծի սահմանադիրը»:
Մանրամասն՝ տեսանյութում: