Amazon-ի հիմնադիր Ջեֆ Բեզոսը, որն աշխարհի ամենահարուստ մարդն է, պատմել է այն պահի մասին, որը շրջել է իր կյանքը եւ հաջողության բերել: Ինչպես գրում է CNBC-ը, դա տեղի է ունեցել դեռեւս Պրինստոնյան համալսարանում, որտեղ Բեզոսն ուսումնասիրում էր տեսական ֆիզիկա:
Միլիարդատիրոջ խոսքերով, նա մի քանի ժամ չէր կարողանում լուծել դիֆերենցյալ հավասրաումը: Բեզոսն օգնություն է խնդրել սենյակի հարեւանից, որը նույնպես չի կարողացել լուծել: Նրանք կանչել են երրորդ ուսանողին, որը պատասխանն ասել է ընդամենը 1 րոպեում, միայն հավասարմանը նայելով: Հետո այդ ուսանողը Բեզոսին բացատրել է մտքերի հաջորդականությունը, որոնք նրան բերել են ճիշտ պատասխանին:
Հենց այդ ժամանակ էլ Amazon-ի հիմնադիրը հասկացել է, որ իր մտածելակերպն ուղղակի չի համապատասխանում տեսական ֆիզիկայի համար: Նա փոխել է իր մասնագիտությունը՝ ընտրելով ծրագրավորումը, իսկ հետո էլ որոշեց բիզնեսով զբաղվել: 1986 թվականին Բեզոսն ավարտեց Պրինստոնյան համալսարանը եւ 8 տարի անց հիմնադրեց Amazon ինտերնետային խանութը:
Այժմ Բեզոսն առաջին տեղն է զբաղեցնում միլիարդատերերի մեջ ըստ Bloomberg-ի: Նրա կարողությունը կազմում է 127 մլրդ դոլար: