Իրանը կփորձի «Զաֆար» արբանյակը ուղեծիր դուրս բերել մայիս-հունիսին: Այդ մասին հայտնել է Իրանի տեղեկատվական և հաղորդակցական տեխնոլոգիաների նախարար Մոհամադ Ջավադ Ազարի Ջախրոմին:
Նախարարն այդ մասին հայտարարել է այն բանից հետո, երբ փետրվարի 9-ի երեկոյան իրականացվեց «Սիմորգ» կրող հրթիռի արձակումը՝ «Զաֆար» արբանյակով: Ապարատը չհաջողվեց դուրս բերել անհրաժեշտ ուղեծիր, քանի որ հրթիռը վերջին փուլում չզարգացրեց անհրաժեշտ արագություն:
Նախարարի պնդմամբ, որը նաև ղեկավարում է արբանյակների մշակումը, արձակումը հաջող էր, չնայած այն բանին, որ արբանյակն ուղեծիր դուրս բերելու փորձը հաջողությամբ չպսակվեց: «Այժմ մենք ավելի քան երբևԷ մոտ ենք հաջողությանը»,- հավելել 1 Ազարի Ջախրոմին: Նա նաև Twitter-ի իր Էջում խոստացել է մոտ ժամանակներս իրականացնել «Նահիդ» արբանյակի արձակումը: Գերատեսչության հաղորդագրության մեջ նշվում է, որ արբանյակն ընկել է Հնդկական օվկիանոսը: