Հոլիվուդյան դերասանուհի Ռենե Զելվեգերը արժանացել է «Օսկար 2020» մրցանակի՝ «Ջուդի» ֆիլմում գլխավոր դերակատարության համար:
«Լավագույն դերասանուհի» անվանակարգում Զելվեգերից բացի ներկայացված էին Սինթիա Էրիվոն «Հարիեթ», Սքարլեթ Յոհանսոնը «Ամուսնական պատմություն», Սիրշա Ռոնանը «Փոքրիկ կանայք» և Շարլիզ Թերոնը «Սկանդալ» ֆիլմերով:
Նշենք, որ «Ջուդի» ֆիլմի գործողությունները տեղի են ունենում 1968 թվականի ձմռանը, երբ Ջուդի Գարլենդը տեղափոխվում է Լոնդոն «The Talk of the Town» ակումբում համերգների մասնակցելու համար: Լավագույն ժամանակներից անցել է երեսուն տարի, և Ջուդիի ձայնն առաջվանը չէ, բայց նրա կամքն ու կյանքի նկատմամբ վերաբերմունքն ավելի հասուն են դարձրել երգչուհուն: Չնայած լեգենդար արտիստը չորս անգամ անհաջող ամուսնություն է ունեցել, պատրաստ է հանդիպել երիտասարդ տղամարդու հետ: