ԱՄՆ նախագահ Դոնալդ Թրամփի վարչակազմը քննարկում է Ռուսաստանի առաջնորդ Վլադիմիր Պուտինի առաջարկը՝ հանդիպում անցկացնել այն երկրների առաջնորդների միջեւ, որոնք ՄԱԿ-ի Անվտանգության խորհրդի անդամ են: Այս մասին հայտնում է ՌԻԱ Նովոստին՝ հղում անելով Ռուսաստանում ԱՄՆ դեսպան Ջոն Սալիվանին:
Ըստ Սալիվանի, առաջարկը ներկայումս Սպիտակ տանը քննարկման փուլում է:
Պուտինն առաջարկել է հանդիպում անցկացնել ՄԱԿ-ի Անվտանգության խորհրդի հինգ մշտական անդամների՝ Ռուսաստանի, Չինաստանի, Միացյալ Նահանգների, Ֆրանսիայի և Մեծ Բրիտանիայի միջեւ, քանի որ երկրները պետք է միավորվեն շովինիզմի, ռասիզմի, ատելության, հակահրեականության և նման այլ դրսևորումների առաջացման սպառնալիքների դեմ:
Նա ավելացրել է, որ այս 5 պետությունները, որոնք ՄԱԿ-ի Անվտանգության խորհրդի անդամ են, «հատուկ պատասխանատվություն են կրում քաղաքակրթության պահպանման համար»:
