Ճապոնիայի իշխանությունները դեղորայք են առաքելու Յոկագամա նավահանգստում գտնվող ուղևորներին, ասել է Ճապոնիայի առողջապահության, աշխատանքի և բարեկեցության նախարարության ղեկավար Կացունոբու Կատոն: Այդ մասին հայտնում է ՏԱՍՍ-ը:
Ըստ նախարարության, նավի վրա կա 600 ուղևոր, ովքեր ցանկացած հիվանդություն կանխելու կամ բուժելու համար դեղորայքի կարիք ունեն: Ներկայումս աշխատանքներ են տարվում անհրաժեշտ դեղերը նավ հասցնելու ուղղությամբ, ասաց նախարարը:
Ավելի վաղ հաղորդվել էր, որ Diamond Princess-ի 64 ուղևորի մոտ հայտնաբերվել է նոր տեսակի կորոնավիրուս։ Նրանք հոսպիտալացվել են:
2019 թվականի դեկտեմբերի 31-ին Չինաստանի իշխանությունները հայտարարեցին Ուհան քաղաքում թոքաբորբի բռնկման մասին: Հիվանդության հարուցիչը նոր տեսակի 2019-nCoV կորոնավիրուսն է: