Friday, 29 03 2024
13:15
Ուկրաինան հայտնել է էներգետիկ օբյեկտներին ուղղված ռուսական զանգվածային հարվածների մասին
Ոստիկանության Նոր Նորքի բաժին ներխուժելու դեպքով քրեական վարույթի շրջանակներում խուզարկություններ են անցկացվում շուրջ 4 տասնյակ վայրերում
Առցանց անմաքս առևտրի շեմը նվազում է
Հորը բռնության ենթարկելու, հարևանի կնոջը սպանելու համար մեղադրվողը տեղափոխվել է հոգեկան առողջության կենտրոն
«National Geographic»-ը «գինու» շրջագայություն է իրականացրել Հայաստանում
Կաթնամթերքի արտադրամասի արտադրական գործունեության կասեցումը վերացվել է
«Երևանի ավտոբուս» ՓԲԸ տնօրենն աշխատանքից ազատման դիմում է ներկայացրել
ՍԱՏՄ-ն ներկայացրել է ձվի արտադրության և իրացման շուկայի վերահսկողության միջանկյալ արդյունքները
ՌԴ իշխանությունները հայտնել են Բելգորոդի երկնքում 15 թիրախ ոչնչացնելու մասին
-
12:40
Գործ ունենք դավաճանական շղթայի հետ, որը կառավարում է Ռուսաստանը
12:30
ԱՄՆ կառավարությունը 60 մլն դոլար է հատկացրել փլուզված Բալթիմորի կամրջի վերակառուցման համար
-
12:20
Հայաստանը ազատագրական պայքար է մղում, ոչ թե՝ վեկտոր փոխում
12:15
Բելառուսներին այսօրվանից արգելված է անօդաչու թռչող սարքեր ունենալ
Լուրերի օրվա թողարկում 12։00
Մեքենան գլորվել է ձորը, վարորդը մահացել է
Լավրովի անփառունակ տապալումը
Փորձել են առանց հայտարարագրման բջջային հեռախոսներ ներկրել
11:45
Որքա՞ն տարածք են ռուսները գրավել այս տարի Ուկրաինայում
Հալեպի վրա Իսրայելի հարձակման հետևանքով զոհվել է 36 մարդ. Al Hadath
11:15
Ռուսական խոշոր հարձակումը կլինի մայիսի վերջին
Բեգլարյանը սպառնացել է նորակառույցի սեփականատերերին իր առանձնատուն բացվող տեսարանի համար
«Միրզոյանի հետ վերջին անգամ շփվել եմ Սկոպյեում․ մենք էինք նախաձեռնել այն». Լավրով
Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն
«Հայկական ղեկավարությունը սկսում է արտահայտել այնպիսի գաղափարներ, որոնցով Փաշինյանը ձևավորել էր իր «Ելք» շարժումը». Լավրով
«Փաշինյանը միշտ մեզնից խնդրել է չմոռանալ Լեռնային Ղարաբաղի կարգավիճակի հարցը». Լավրով
10:45
«Բրյուսելի հանդիպումը կկենտրոնանա Հայաստանի տնտեսական կայունության վրա». Միլլեր
«Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են
Թումանյան փողոցում ծառի ճյուղն ընկել է էլեկտրական լարերի վրա
Սուրեն Պապիկյանը հետևել է «Բաղրամյան» զորավարժարանում անցկացված զորախաղերին
10:15
Նավթի գներն աճել են. 28-03-24

19-ամյա երիտասարդը «ՍԱՍ» սուպերմարկետում գազային ատրճանակով ու մարմնին կապված «պայթուցիկ» սարքով՝ պահանջել է 100 հազար դրամ

Վերաքննիչ քրեական դատարանում ավարտվել է Աշոտ Մ.-ի գործով բերված վերաքննիչ բողոքի քննությունը:

Գործը քննվել է Երևանի ընդհանուր իրավասության դատարանի՝ Կենտրոն վարչական շրջանում գտնվող նստավայրում Գագիկ Պողոսյանի նախագահությամբ:

Դեպքի պահին չէր բոլորել Աշոտ Մ.-ի 20 տարին: Նա երևանյան բուհերից մեկի հեռակա ուսուցման երրորդ կուրսի ուսանող էր:

Աշոտ Մ.-ին մեղադրանք էր առաջադրվել որպես զենք գործածված առարկայի գործադրմամբ կատարված ավազակային հարձակման և ապօրինի կերպով գազային ատրճանակ կրելու, գործադրելու համար՝ ՀՀ քրեական օրենսգրքի 175 հոդվածի 2-րդ մասի 4-րդ կետով և 235 հոդվածի 4-րդ մասով:

Ըստ մեղադրանքի՝ 2019 թվականի հունվարի լույս 17- ի գիշերը՝ ժամը 2-ն անց 40-ի սահմաններում, ավազակային հարձակմամբ գումար հափշտակելու նպատակով Աշոտ Մ.-ն մտել է Երևանի Բաղրամյան 85 հասցեում գործող «ՍԱՍ» սուպերմարկետ ու  գանձապահ աղջկան է տվել սպառնալիք պարունակող գրություն. «Ինձ մոտ կա պայթուցիկ և զենք, կարող եմ դրանք գործադրել, տվեք ամբողջ գումարը»:

Գանձապահն այդ գրությունն անմիջապես հանձնել է իրենից ոչ հեռու կանգնած մենեջեր Պետրոս Ա.-ին: Վերջինս կարդացել ու սկսել է հորդորել Աշոտ Մ.-ին՝ իրենց չվնասել ու հանցավոր մտադրությունից հետ կանգնել:

Սակայն Աշոտ Մ.-ն, ըստ մեղադրանքի, իր հանցավոր դիտավորությունն անհապաղ իրականացնելուն ուղղված գործողություններ է կատարել՝ գոտկատեղի աջ հատվածից հանել է առանց համապատասխան թույլտվության ապօրինի կրած գազային ատրճանակը, ցուցադրաբար ձգել է փակաղակը և ի ցույց հանելով որովայնին հաղորդալարով կապված սարքը, սպառնացել է, թե դա  պայթուցիկ սարք է, կպայթեցնի, ու պահանջել է 100   հազար դրամ: Ըստ մեղադրանքի՝ Աշոտ Մ.-ն սպառնացել է, որ պահանջած  գումարը չտալու դեպքում կկրակի կամ կպայթեցնի իր մարմնին ամրացված պայթուցիկ սարքը:

Սակայն, ըստ մեղադրանքի, մենեջեր Պետրոս Ա.-ի հետ շուրջ երկու րոպե զրուցելուց հետո, հասկանալով, որ արդեն բավական ժամանակ է՝ գտնվում է  սուպերմարկետում և արդեն հնարավոր է՝ ահազանգ է եղել ոստիկանություն, բռնվելուց խուսափելու համար  Աշոտ Մ.-ն ոչինչ չհափշտակելով՝ դիմել է փախուստի:

Ընդհանուր իրավասության դատարանում Աշոտ Մ.-ն իրեն լիովին մեղավոր է ճանաչել, զղջացել է:

Դատարանը հաշվի է առել, որ Աշոտ Մ.-ն վատառողջ է, նախկինում դատապարտված չի եղել: Պատասխանատվությունն ու պատիժը ծանրացնող հանգամանքներ դատարանը չի արձանագրել:

Տուժողի ներկայացուցիչը քաղաքացիական հայցի պահանջ  չի ներկայացրել:

Աշոտ Մ.-ն մեղավոր է ճանաչվել մեղսագրված արարքների համար՝ ՀՀ քրեական օրենսգրքի 175 հոդվածի 2-րդ մասի 4-րդ կետով և 235 հոդվածի 4-րդ մասով, ու դատապարտվել է  6 տարի ազատազրկման և տուգանքի՝ 500 հազար դրամի չափով: Ազատազրկման ձևով պատժին հաշվակցվել է Աշոտ Մ.-ի՝ կալանքի տակ գտնված 4 ամիսը, նա վերջին հաշվով դատապարտվել է  5 տարի 8 ամիս ազատազրկման և տուգանքի՝ 500  հազար դրամի չափով:

Պատժի սկիզբը՝ Աշոտ Մ.-ին փաստացի կալանքի տակ առնելու պահից:

Այս դատավճիռը պատժի մասով բողոքարկել էր ամբաստանյալի շահերի պաշտպան, փաստաբան Ս. Աղվանյանը: Նա պահանջել էր պատժի մասով փոփոխել դատավճիռը՝ մեղմացման առումով՝ Աշոտ Մ.-ի նկատմամբ սահմանել մեղսագրված արարքների համար օրենքով նախատեսված նվազագույն  պատժից ավելի մեղմ պատիժ՝ ՀՀ քրեական օրենսգրքի 64 հոդվածի կիրառմամբ կամ կիրառել պայմանական դատապարտություն և Աշոտ Մ.-ին իրական ազատազրկման չդատապարտել:

Վերաքննիչ բողոքը քննվել է քրեական վերաքննիչ դատարանի՝ Ա. Վարդանյան, Մ. Պապոյան, Ա. Բեկթաշյան կազմով:

Վերաքննիչ դատարանում պաշտպան Ս. Աղվանյանը, հիմնավորելով իր բերած բողոքը, նշել է, թե հանցավոր արարքի կատարման ժամանակ Աշոտ Մ.-ի մոտ առկա է եղել պլաստմասսայից շշի ու կպչուն ժապավենի միջոցով սարքված ինքնաշեն պայթուցիկ սարքի՝ ընդամենը  մուլյաժ, ոչ թե իսկական պայթուցիկ սարք, բացի այդ՝ նրա մոտ եղած գազային ատրճանակի պահունակը դատարկ է եղել, այդ հանգամանքը հաստատված է խուզարկության արձանագրությամբ, փորձագետի եզրակացությամբ:

Պաշտպանն ընդգծել է՝ ակնհայտ է, որ պլաստմասսայից շիշն անհնար էր գործադրել որպես պայթուցիկ սարք, իսկ պահունակը դատարկ գազային ատրճանակից անհնար էր կրակել ու որևէ մեկին վնաս պատճառել: Նշվածը, ըստ պաշտպանի, վկայում է՝Աշոտ Մ.-ն հստակ գիտակցել է, որ մոտը եղած «զենքերով» որևէ մեկին վնասելու իրական մտադրություն և հնարավորություն չունի, ինչը էականորեն նվազեցնում է արարքի հանրային վտանգավորության աստիճանը:

Պաշտպանը շեշտադրել է նաև իր պաշտպանյալի վատառողջությունը՝ գանգուղեղային տրավմայից հետո առկա մնացորդային երևույթները, որոնք հաշվի առնելով՝ Աշոտ Մ.-ն կարիք ունի նյարդաբանի և վիրաբույժի անընդհատ հսկողության: Ներկայացված հանգամանքները, պաշտպանի կարծիքով՝ կարելի էր գնահատել որպես բացառիկ հանգամանք և կիրառել ՀՀ քրեական օրենսգրքի 64 հոդվածը:

Պաշտպանն ընդգծել է, որ արարքի արդյունքում որևէ մեկին վնաս չի պատճառվել, այդ թվում նաև՝ նյութական վնաս: Աշոտ Մ.-ն ուսանող է, սովորում է բուհում, նախկինում դատապարտված չի եղել, անկեղծորեն զղջացել է:

Մեղադրող դատախազը գրավոր առարկություն էր ներկայացրել վերաքննիչ բողոքի դեմ:

Վերաքննիչ քրեական դատարանը եզրահանգել է, որ պաշտպանի բողոքում նշված հանգամանքները հիմնավոր են,  թվարկված հանգամանքները կարող են դիտվել որպես բացառիկ, և Աշոտ Մ.-ին մեղսագրված ավազակային հարձակման համար կարող է նշանակվել օրենքով սահմանված նվազագույն պատժից ավելի մեղմ պատիժ՝ ՀՀ քրեական օրենսգրքի 64 հոդվածի կիրառմամբ:

Վերաքննիչ դատարանը պաշտպան Ս. Աղվանյանի վերաքննիչ բողոքը բավարարել է մասնակիորեն:

Առաջին ատյանի դատարանի դատավճիռը՝ ազատազրկման ձևով պատժի մասով բեկանվել ու փոփոխվել է մեղմացման առոումով:

ՀՀ քրեական օրենսգրքի 175 հոդվածի 2-րդ մասի 4-րդ կետով,  64 հոդվածի կիրառմամբ, սահմանվել է 4 տարի ազատազրկում: Այս պատժին հաշվակցվել է Աշոտ Մ.-ի՝ նախնական կալանքի տակ եղած 4 ամիսը, վերջնական պատիժ է սահմանվել ազատազրկում 3 տարի  8  ամիս ժամկետով և տուգանք՝ 500   հազար դրամի չափով:

Պատժի սկիզբը կհաշվվի Աշոտ Մ.-ին փաստացի կալանքի տակ առնելու պահից,եթե դատական ակտն օրինական ուժի մեջ մտնի:

Միևնույն ժամանակ՝ վերաքննիչ դատարանի կազմի երեք դատավորներից մեկը՝ Ա. Վարդանյանը, Հատուկ կարծիք է գրել՝ նշելով, թե իր կարծիքով՝ պաշտպանի վերաքննիչ բողոքը ենթակա էր մերժման, պատժի մեղմացում կատարելը պետք է մերժվեր, քանզի ավազակային հարձակումն ինքնին հանրային վտանգավորության բարձր աստիճան ունի՝ անկախ նրանից՝ գազային ատրճանակի պահունակը դատարկ է եղել, թե ոչ կամ ցուցադրված պայթուցիկ սարքն իրական է եղել, թե մուլյաժ կամ՝ գումար հափշտակվել է, թե ոչ: Այս առումով, ըստ Հատուկ կարծիքի հեղինակի, առաջին ատյանի դատարանի դատավճիռն օրինական ու հիմնավոր էր, այն պատժի մասով փոփոխելու, պատիժը մեղմացնելու՝ պաշտպանական կողմի պնդումներն անհիմն էին ու չպետք է բավարարվեին:

Մեղադրանքի և պաշտպանական կողմերը վերաքննիչ դատարանի  դատական ակտի դեմ վճռաբեկ բողոքներ են բերել:

Բաժիններ
Ուղիղ
Լրահոս
Որոնում