Չինացի և ամերիկացի դերասան Ջեքի Չանը խոստացել է մեկ միլիոն յուան (143 հազար դոլար) վճարել այն մարդուն, ով պատվաստանյութ կստեղծի կորոնավիրուսի դեմ: Այդ մասին հայտնում է New Straits Times Online-ը:
Դերասանը հույս ունի, որ դա կարագացնի դեղամիջոցի ստեղծումը: Նա նաև ասաց, որ գումար է տրամադրել Չինաստանում պաշտպանիչ հագուստի և բժշկական դիմակների համար:
«Ես չեմ ուզում դատարկ փողոցներ տեսնել, դրանք պետք է ծաղկեն: Ես չեմ ուզում տխուր մարդկանց տեսնել. նրանք պետք է վայելեն կյանքը», – ասաց Ջեքի Չանը:
Փետրվարի 9-ի դրությամբ Չինաստանում կորոնավիրուսով վարակվածների թիվը գերազանցել է 37 հազարը, մահացել է 811 հիվանդ: Ջոնսոն Հոփկինսի համալսարանի նախագծի մոնիտորինգի տվյալների համաձայն ՝ աշխարհում վարակվել է ընդհանուր առմամբ 37,5 հազար մարդ, վիրուսից բուժվել է մոտ 2,6 հազար մարդ: