Արքայազն Հարին ամերիկյան Մայամի քաղաքում տեղի ունեցած փակ միջոցառման ժամանակ ասել է, որ 7 տարի շարունակ այցելել է հոգեթերապևտի, այն բանից հետո, երբ 1997 թվականից իր մայրը՝ արքայադուստր Դիանան, զոհվեց ավտովթարի հետևանքով: Այս մասին հայտնում է Reuters-ը՝ վկայակոչելով թագավորական պալատի աղբյուրը:
Հայտնի է, որ երեկույթին ներկա են եղել հոլիվուդյան աստղեր, ինչպես նաև հայտնի բասկետբոլիստ Մեջիք Ջոնսոնը:
Աղբյուրի համաձայն՝ Սասեքսի դուքսը չի ցանկանում, որ իր կինը՝ Մեգան Մարքլը կամ իրենց որդին՝ Արչին, վերապրեն այն ամենը, ինչին ինքը բախվել է մանուկ հասակում։
Բրիտանական մի շարք ԶԼՄ-ներ նշում են, որ մոտ 515 հազար դոլար է վճարվել արքայական զույգին՝ Մայամիում խոշոր ամերիկյան բանկի կազմակերպած միջոցառմանը ելույթ ունենալու համար:
